ಡೆಸ್ಕ್ : ತಿಂಗಳಿಗೆ ₹5,000 ರಂತೆ 5 ವರ್ಷಗಳ ಕಾಲ ನಾವೆನಾದ್ರೂ ಪೋಸ್ಟ್ ಆಫೀಸ್ RD (Post Office RD) ಯೋಜನೆಯಲ್ಲಿ ತೊಡಗಿಸಿದರೆ ಎಷ್ಟು ಹಣ ಸಿಗುತ್ತದೆ ಗೊತ್ತಾ? ಬನ್ನಿ ಅದರ ಬ್ಗೆ ತಿಳಿಯೋಣ.!
ಇಂಡಿಯಾ ಪೋಸ್ಟ್ (India Post) ವತಿಯಿಂದ ನೀಡಲಾಗುತ್ತಿರುವ ಸಣ್ಣ ಉಳಿತಾಯ ಯೋಜನೆಗಳಲ್ಲಿ ಪೋಸ್ಟ್ ಆಫೀಸ್ ರಿಕರಿಂಗ್ ಡೆಪಾಸಿಟ್ (Recurring Deposit – RD) ಯೋಜನೆ ಪ್ರಮುಖವಾಗಿದೆ.
ಬ್ಯಾಂಕುಗಳಲ್ಲಿ ಲಭ್ಯ ಇರುವ ಆರ್ಡಿ ಯೋಜನೆಗಳಂತೆಯೇ ಇದು ಕೂಡ ಮಾಸಿಕವಾಗಿ ನಿಗದಿತ ಮೊತ್ತವನ್ನು ಹೂಡಿಕೆ ಮಾಡುವ ಅವಕಾಶ ನೀಡುತ್ತದೆ. ಸುರಕ್ಷಿತ (Safe Investment) ಹಾಗೂ ಖಚಿತ ಆದಾಯ ನೀಡುವ ಹೂಡಿಕೆ ಯೋಜನೆ ಹುಡುಕುತ್ತಿರುವವರಿಗೆ ಇದು ಉತ್ತಮ ಆಯ್ಕೆಯಾಗಿದೆ.
ಹೆಚ್ಚಿನ ಜನರು ಕಡಿಮೆ ಮೊತ್ತದಿಂದಲೇ ಉಳಿತಾಯ ಆರಂಭಿಸಲು ಬಯಸುತ್ತಾರೆ. ಅಂತಹವರಿಗೆ ಪೋಸ್ಟ್ ಆಫೀಸ್ RD ಯೋಜನೆ ಬಹಳ ಉಪಯುಕ್ತವಾಗಿದೆ. ವಿಶೇಷವಾಗಿ ಮಧ್ಯಮ ವರ್ಗದ ಕುಟುಂಬಗಳು, ಉದ್ಯೋಗಿಗಳು ಹಾಗೂ ಮಕ್ಕಳ ಭವಿಷ್ಯಕ್ಕಾಗಿ ಹಣ ಉಳಿಸಬೇಕೆಂದುಕೊಳ್ಳುವವರಿಗೆ ಈ ಯೋಜನೆ ನೆರವಾಗುತ್ತದೆ.
ಪೋಸ್ಟ್ ಆಫೀಸ್ RD ಯೋಜನೆಯ ಪ್ರಮುಖ ಮಾಹಿತಿ :
ಅರ್ಹತೆ :
ಹತ್ತು ವರ್ಷ ಮೇಲ್ಪಟ್ಟ ಯಾವುದೇ ಭಾರತೀಯ ನಾಗರಿಕ ಈ ಯೋಜನೆಯಲ್ಲಿ ಖಾತೆ ತೆರೆಯಬಹುದು. ಅಪ್ರಾಪ್ತರ ಪರವಾಗಿ ಪೋಷಕರು ಖಾತೆ ತೆರೆಯಲು ಅವಕಾಶ ಇದೆ. 18 ವರ್ಷ ಪೂರ್ಣಗೊಂಡ ಬಳಿಕ ಖಾತೆದಾರರು KYC ಪ್ರಕ್ರಿಯೆಯನ್ನು ಮತ್ತೊಮ್ಮೆ ಪೂರ್ಣಗೊಳಿಸಬೇಕು.
ಕನಿಷ್ಠ ಹೂಡಿಕೆ :
ಈ ಯೋಜನೆಯಲ್ಲಿ ತಿಂಗಳಿಗೆ ಕನಿಷ್ಠ ₹100 ಹೂಡಿಕೆ ಮಾಡಬಹುದು. ಗರಿಷ್ಠ ಹೂಡಿಕೆಗೆ ಯಾವುದೇ ಮಿತಿ ಇಲ್ಲ.
ಯೋಜನೆಯ ಅವಧಿ :
ಪೋಸ್ಟ್ ಆಫೀಸ್ RD ಯೋಜನೆಯ ಅವಧಿ 5 ವರ್ಷಗಳಾಗಿರುತ್ತದೆ. ಅಗತ್ಯವಿದ್ದರೆ 3 ವರ್ಷಗಳ ಬಳಿಕ Premature Closure ಅವಕಾಶವೂ ಇದೆ. ಐದು ವರ್ಷಗಳ ನಂತರವೂ ಮತ್ತಷ್ಟು ಅವಧಿಗೆ ಮುಂದುವರಿಸಲು ಅವಕಾಶ ನೀಡಲಾಗುತ್ತದೆ.
ಈ ಸುದ್ದಿಯನ್ನು ಓದಿ : ಕೇರಳದಲ್ಲಿ ಸಿಡಿಲು ಬಡಿದು 4 ವಿದ್ಯಾರ್ಥಿಗಳ ದುರ್ಮರಣ; ಮೂವರಿಗೆ ಗಂಭೀರ ಗಾಯ.
ಬಡ್ಡಿದರ :
ಪ್ರಸ್ತುತ ಈ ಯೋಜನೆಗೆ ವಾರ್ಷಿಕ ಶೇ. 6.7 ಬಡ್ಡಿದರ (Interest Rate) ಲಭ್ಯವಿದೆ.
ತಿಂಗಳಿಗೆ ₹5,000 ಹೂಡಿಸಿದರೆ ಎಷ್ಟು ಸಿಗುತ್ತದೆ?
ಒಂದು ವೇಳೆ ನೀವು ಪೋಸ್ಟ್ ಆಫೀಸ್ RD ಯೋಜನೆಯಲ್ಲಿ ತಿಂಗಳಿಗೆ ₹5,000 ಹೂಡಿಕೆ ಮಾಡಿದರೆ, 5 ವರ್ಷಗಳಲ್ಲಿ ಒಟ್ಟು ₹3 ಲಕ್ಷ ಹೂಡಿಕೆ ಆಗುತ್ತದೆ.
- ಒಟ್ಟು ಹೂಡಿಕೆ: ₹3,00,000/-
- ಅಂದಾಜು ಬಡ್ಡಿ ಮೊತ್ತ: ₹57,299/-
- ಮೆಚ್ಯುರಿಟಿ ಮೊತ್ತ (Maturity Amount): ₹3,57,299/-
ಇದನ್ನು ಓದಿ : ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಾಲಯಕ್ಕೆ ₹167 ಕೋಟಿ ದಾಖಲೆ ಆದಾಯ; ಸತತ 15ನೇ ವರ್ಷವೂ ರಾಜ್ಯದಲ್ಲಿ ನಂ.1!
ಅಂದರೆ ಕೇವಲ ಮಾಸಿಕ ಉಳಿತಾಯದ ಮೂಲಕ ಉತ್ತಮ ಮೊತ್ತವನ್ನು ಸಂಗ್ರಹಿಸಬಹುದು.
ಯಾರಿಗೆ ಈ ಯೋಜನೆ ಸೂಕ್ತ?
ಈ ಯೋಜನೆ ಕಡಿಮೆ ರಿಸ್ಕ್ (Low Risk) ಹೊಂದಿರುವ ಹೂಡಿಕೆ ಆಯ್ಕೆಯಾಗಿದ್ದು, ತುರ್ತು ನಿಧಿ (Emergency Fund), ಮಕ್ಕಳ ಶಿಕ್ಷಣ ವೆಚ್ಚ, ಭವಿಷ್ಯದ ಖರ್ಚುಗಳು ಹಾಗೂ ಸಣ್ಣ ಉಳಿತಾಯಕ್ಕಾಗಿ ಉಪಯುಕ್ತವಾಗಿದೆ.
ಹಣವನ್ನು ಸುರಕ್ಷಿತವಾಗಿ ಉಳಿಸಿಕೊಂಡು ನಿಯಮಿತ ಉಳಿತಾಯ ಅಭ್ಯಾಸ ಬೆಳೆಸಲು ಬಯಸುವವರಿಗೆ ಪೋಸ್ಟ್ ಆಫೀಸ್ RD ಯೋಜನೆ ಉತ್ತಮ ಆಯ್ಕೆ ಎಂದು ಹಣಕಾಸು ತಜ್ಞರು ಅಭಿಪ್ರಾಯಪಡುತ್ತಾರೆ.
ಸಂಪಾದಕೀಯ :
ಇಂಡಿಯಾ ಪೋಸ್ಟ್ (India Post) ನ ಪೋಸ್ಟ್ ಆಫೀಸ್ RD (Recurring Deposit) ಯೋಜನೆ ಕಡಿಮೆ ರಿಸ್ಕ್ ಹೊಂದಿರುವ ಸುರಕ್ಷಿತ ಉಳಿತಾಯ ಯೋಜನೆಗಳಲ್ಲಿ ಒಂದಾಗಿದೆ.
ಮಾಸಿಕವಾಗಿ ಸಣ್ಣ ಮೊತ್ತ ಹೂಡಿಕೆ ಮಾಡುವ ಮೂಲಕ ಭವಿಷ್ಯಕ್ಕೆ ಉತ್ತಮ ಮೊತ್ತವನ್ನು ಸಂಗ್ರಹಿಸಲು ಇದು ಸಹಾಯ ಮಾಡುತ್ತದೆ.
ಪ್ರಮುಖ ಸುದ್ದಿಗಳ ಸಂಪೂರ್ಣ ಪಟ್ಟಿ ಇಲ್ಲಿದೆ
ಬ್ಯಾಂಕುಗಳಿಗಿಂತ ಸ್ಥಿರ ಹಾಗೂ ಆಕರ್ಷಕ ಬಡ್ಡಿದರ ನೀಡುವುದರಿಂದ ಮಧ್ಯಮ ವರ್ಗದ ಕುಟುಂಬಗಳಿಗೆ ಇದು ಉಪಯುಕ್ತವಾಗಿದೆ.
ಮಕ್ಕಳ ಶಿಕ್ಷಣ, ತುರ್ತು ನಿಧಿ ಹಾಗೂ ಭವಿಷ್ಯದ ಖರ್ಚುಗಳಿಗೆ ಹಣ ಉಳಿಸಿಕೊಳ್ಳಲು ಈ ಯೋಜನೆ ಉತ್ತಮ ಆಯ್ಕೆಯಾಗಿದೆ. ನಿಯಮಿತ ಉಳಿತಾಯದ ಅಭ್ಯಾಸ ಬೆಳೆಸಲು ಕೂಡ ಪೋಸ್ಟ್ ಆಫೀಸ್ RD ಯೋಜನೆ ಸಹಕಾರಿ ಆಗುತ್ತದೆ.
Disclaimer: ಬಡ್ಡಿದರಗಳು ಮತ್ತು ಯೋಜನೆ (Post Office RD) ನಿಯಮಗಳು ಸರ್ಕಾರದ ನೀತಿ ಪ್ರಕಾರ ಕಾಲಾನುಗುಣವಾಗಿ ಬದಲಾಗಬಹುದು. ಹೂಡಿಕೆ ಮಾಡುವ ಮೊದಲು ಅಧಿಕೃತ ಪೋಸ್ಟ್ ಆಫೀಸ್ ಅಥವಾ ಹಣಕಾಸು ಸಲಹೆಗಾರರ ಮಾಹಿತಿಯನ್ನು ಪರಿಶೀಲಿಸುವುದು ಒಳಿತು.
