ಹುಬ್ಬಳ್ಳಿ–ಋಷಿಕೇಶ ಸಾಪ್ತಾಹಿಕ ರೈಲು ಇದೀಗ ಕಾಯಂ: ಘಟಪ್ರಭಾ ಸೇರಿ ಹಲವು ನಿಲ್ದಾಣಗಳಲ್ಲಿ ಸ್ಟಾಪ್‌.

ಹುಬ್ಬಳ್ಳಿ : ಹುಬ್ಬಳ್ಳಿ–ಋಷಿಕೇಶ ಸಾಪ್ತಾಹಿಕ ರೈಲು ಸೇವೆ ಇದೀಗ ಕಾಯಂ ಆಗಿ ಓಡಲಿದ್ದು, ಘಟಪ್ರಭಾ ಪಟ್ಟಣ ಸೇರಿ ಹಲವು ನಿಲ್ದಾಣಗಳಲ್ಲಿ ಈ ರೈಲು ನಿಲುಗಡೆ ಹೊಂದಿದೆ ಎಂದು SOUTH WESTERN RAILWAY ಖಚಿತಪಡಿಸಿದೆ.

ಕರ್ನಾಟಕ ಸೇರಿದಂತೆ ಉತ್ತರ ಭಾರತದ ಹಲವು ರಾಜ್ಯಗಳಿಗೆ ಸಂಪರ್ಕ ಕಲ್ಪಿಸುವ ಪ್ರಮುಖ ರೈಲು ಸೇವೆಯೊಂದನ್ನು ಭಾರತೀಯ ರೈಲ್ವೆ (Indian Railways) ಇದೀಗ ಶಾಶ್ವತಗೊಳಿಸಿದೆ.

ಹುಬ್ಬಳ್ಳಿ–ಋಷಿಕೇಶ ಸಾಪ್ತಾಹಿಕ ರೈಲು :

ಎಸ್‌ಎಸ್‌ಎಸ್ ಹುಬ್ಬಳ್ಳಿ (SSS Hubballi) ಮತ್ತು ಯೋಗ ನಗರಿ ಋಷಿಕೇಶ (Yog Nagari Rishikesh) ನಡುವಿನ ಸಾಪ್ತಾಹಿಕ ವಿಶೇಷ ಎಕ್ಸ್‌ಪ್ರೆಸ್‌ (Weekly Special Express) ರೈಲು ಸೇವೆಯನ್ನು ಇದೀಗ ನಿಯಮಿತ (Regular) ರೈಲು ಸೇವೆಯಾಗಿ ಪರಿವರ್ತಿಸಲಾಗಿದೆ.

ಈ ಕುರಿತು ರೈಲ್ವೆ ಮಂಡಳಿ ಅಧಿಕೃತ ಮಾಹಿತಿ ಬಿಡುಗಡೆ ಮಾಡಿದ್ದು, ಇನ್ನು ಮುಂದೆ ಈ ಹುಬ್ಬಳ್ಳಿ–ಋಷಿಕೇಶ ಸಾಪ್ತಾಹಿಕ ರೈಲು ಹೊಸ ಅಧಿಕೃತ ರೈಲು ಸಂಖ್ಯೆಗಳೊಂದಿಗೆ ಸಂಚರಿಸಲಿವೆ. ಈ ಕ್ರಮದಿಂದ ಕರ್ನಾಟಕ, ಮಹಾರಾಷ್ಟ್ರ, ಮಧ್ಯಪ್ರದೇಶ, ಉತ್ತರ ಪ್ರದೇಶ, ದೆಹಲಿ ಹಾಗೂ ಉತ್ತರಾಖಂಡ ರಾಜ್ಯಗಳಿಗೆ ಪ್ರಯಾಣಿಸುವ ಸಾವಿರಾರು ಪ್ರಯಾಣಿಕರಿಗೆ ಹೆಚ್ಚಿನ ಅನುಕೂಲವಾಗಲಿದೆ.

ಹೊಸ ರೈಲು ಸಂಖ್ಯೆಗಳು ಯಾವುವು?

ರೈಲು ಸಂಖ್ಯೆ **07363** :

ಈವರೆಗೆ ವಿಶೇಷ ರೈಲು (Special Train) ರೂಪದಲ್ಲಿ ಸಂಚರಿಸುತ್ತಿದ್ದ ರೈಲು ಸಂಖ್ಯೆ **07363** ಎಸ್‌ಎಸ್‌ಎಸ್ ಹುಬ್ಬಳ್ಳಿ–ಯೋಗ ನಗರಿ ಋಷಿಕೇಶ ವಿಶೇಷ ಎಕ್ಸ್‌ಪ್ರೆಸ್‌ ಅನ್ನು 2026ರ ಜುಲೈ 6ರಿಂದ ಜಾರಿಗೆ ಬರುವಂತೆ **17363** ಸಂಖ್ಯೆಯ ನಿಯಮಿತ ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ ರೈಲಾಗಿ ಪರಿವರ್ತಿಸಲಾಗಿದೆ.

ರೈಲು ಸಂಖ್ಯೆ **07363** :

ಅದೇ ರೀತಿ, ರೈಲು ಸಂಖ್ಯೆ **07364** ಯೋಗ ನಗರಿ ಋಷಿಕೇಶ–ಎಸ್‌ಎಸ್‌ಎಸ್ ಹುಬ್ಬಳ್ಳಿ ವಿಶೇಷ ಎಕ್ಸ್‌ಪ್ರೆಸ್‌ ರೈಲು 2026ರ ಜುಲೈ 9ರಿಂದ **17364** ಸಂಖ್ಯೆಯ ನಿಯಮಿತ ರೈಲಾಗಿ ಸಂಚರಿಸಲಿದೆ.

ರೈಲು ಸಮಯ (Timings) ಹೇಗಿದೆ?

ರೈಲು ಸಂಖ್ಯೆ 17363 ಎಸ್‌ಎಸ್‌ಎಸ್ ಹುಬ್ಬಳ್ಳಿ–ಯೋಗ ನಗರಿ ಋಷಿಕೇಶ ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ ಪ್ರತಿ ಸೋಮವಾರ ಸಂಜೆ 7:45ಕ್ಕೆ ಹುಬ್ಬಳ್ಳಿಯಿಂದ ಹೊರಟು, ಬುಧವಾರ ರಾತ್ರಿ 11:30ಕ್ಕೆ ಯೋಗ ನಗರಿ ಋಷಿಕೇಶ ತಲುಪಲಿದೆ.

ಇದನ್ನು ಓದಿ : ಬೆಳಗಾವಿಗೆ 3 ಹೊಸ ಸಾಪ್ತಾಹಿಕ ಎಕ್ಸ್‌ಪ್ರೆಸ್ ರೈಲುಗಳ ಆರಂಭ : SCR.

ಹಿಂತಿರುಗುವ ಪ್ರಯಾಣದಲ್ಲಿ ರೈಲು ಸಂಖ್ಯೆ 17364 ಯೋಗ ನಗರಿ ಋಷಿಕೇಶ–ಎಸ್‌ಎಸ್‌ಎಸ್ ಹುಬ್ಬಳ್ಳಿ ಎಕ್ಸ್‌ಪ್ರೆಸ್‌ ಪ್ರತಿ ಗುರುವಾರ ಬೆಳಗ್ಗೆ 6:15ಕ್ಕೆ ಋಷಿಕೇಶದಿಂದ ಹೊರಟು, ಶನಿವಾರ ಬೆಳಗ್ಗೆ 6:30ಕ್ಕೆ ಹುಬ್ಬಳ್ಳಿಗೆ ಆಗಮಿಸಲಿದೆ.

ಯಾವ ಯಾವ ನಿಲ್ದಾಣಗಳಲ್ಲಿ ನಿಲುಗಡೆ?

ಈ ಹುಬ್ಬಳ್ಳಿ–ಋಷಿಕೇಶ ಸಾಪ್ತಾಹಿಕ ರೈಲು ಎರಡೂ ಮಾರ್ಗಗಳಲ್ಲಿ ಧಾರವಾಡ, ಲೋಂಡಾ, ಬೆಳಗಾವಿ, ಘಟಪ್ರಭಾ, ಮಿರಜ್, ಸಾಂಗ್ಲಿ, ಕರಾಡ್, ಸತಾರಾ, ಪುಣೆ, ದೌಂಡ್ ಕಾರ್ಡ್ ಲೈನ್, ಅಹಲ್ಯಾನಗರ, ಕೊಪರಗಾಂವ್, ಮನ್ಮಾಡ್, ಭುಸಾವಲ್, ಖಾಂಡ್ವಾ, ಹರ್ದಾ, ಇಟಾರ್ಸಿ, ರಾಣಿ ಕಮಲಾಪತಿ, ಬೀನಾ, ವೀರಾಂಗನಾ ಲಕ್ಷ್ಮೀಬಾಯಿ ಝಾನ್ಸಿ, ಗ್ವಾಲಿಯರ್, ಆಗ್ರಾ ಕ್ಯಾಂಟ್, ಮಥುರಾ, ಹಜರತ್ ನಿಜಾಮುದ್ದೀನ್, ಗಾಜಿಯಾಬಾದ್, ಮೀರತ್ ಸಿಟಿ, ಮುಜಾಫರ್‌ನಗರ, ದಿಯೋಬಂದ್, ಟಾಪ್ರಿ, ರೂರ್ಕಿ ಹಾಗೂ ಹರಿದ್ವಾರ ನಿಲ್ದಾಣಗಳಲ್ಲಿ ನಿಲುಗಡೆ ಹೊಂದಲಿದೆ.

ರೈಲಿನಲ್ಲಿ ಯಾವ ಸೌಲಭ್ಯಗಳಿವೆ?

ಈ ಎಕ್ಸ್‌ಪ್ರೆಸ್‌ ರೈಲು ಒಟ್ಟು 16 ಬೋಗಿಗಳನ್ನು ಹೊಂದಿರಲಿದೆ. ಇದರಲ್ಲಿ:

* 1 ಎಸಿ 2-ಟೈರ್ (AC 2-Tier).
* 3 ಎಸಿ 3-ಟೈರ್ (AC 3-Tier).
* 6 ಸ್ಲೀಪರ್ ಕ್ಲಾಸ್ (Sleeper Class).
* 4 ಸಾಮಾನ್ಯ ದರ್ಜೆ (General Class).
* 1 ದಿವ್ಯಾಂಗ ಸ್ನೇಹಿ ಕಂಪಾರ್ಟ್ಮೆಂಟ್‌ (Divyang Friendly Compartment).
* ಲಗೇಜ್ ಕಮ್ ಬ್ರೇಕ್ ವ್ಯಾನ್ ಹಾಗೂ ಜನರೇಟರ್ ಕಾರ್ ವ್ಯವಸ್ಥೆ ಇರಲಿದೆ.

ಹೆಚ್ಚಿನ ಬ್ರೇಕಿಂಗ್ ನ್ಯೂಸ್‌ಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಈ ಸೇವೆ ಉತ್ತರ ಭಾರತದ ಧಾರ್ಮಿಕ ಕ್ಷೇತ್ರಗಳಿಗೆ ತೆರಳುವ ಭಕ್ತರು, ವಿದ್ಯಾರ್ಥಿಗಳು, ಉದ್ಯೋಗಿಗಳು ಹಾಗೂ ಪ್ರವಾಸಿಗರಿಗೆ (Tourists) ಹೆಚ್ಚಿನ ಅನುಕೂಲ ಕಲ್ಪಿಸಲಿದೆ ಎಂದು ಹೇಳಲಾಗುತ್ತಿದೆ.

ಪ್ರಯಾಣಿಕರು ಹೆಚ್ಚಿನ ಮಾಹಿತಿಗಾಗಿ ಭಾರತೀಯ ರೈಲ್ವೆಯ ಅಧಿಕೃತ ವೆಬ್‌ಸೈಟ್‌ ಅಥವಾ ಸಮೀಪದ ರೈಲ್ವೆ ನಿಲ್ದಾಣವನ್ನು ಸಂಪರ್ಕಿಸಬಹುದು.