ಡೆಸ್ಕ್ : ‘ಸಾವಿನ ಆಚೆ ಶಾಂತಿಯ ಲೋಕವಿದೆ’ ಎಂದು ತಮ್ಮ ಜೀವನದ ವಿಚಿತ್ರ ಅನುಭವ (Strange experience of life) ಗಳನ್ನು 3 ಬಾರಿ ಸಾವಿನ ದವಡೆಯಿಂದ ಪವಾಡಸದೃಶವಾಗಿ ಪಾರಾದ ನಾಸಾ ಮಾಜಿ ವಿಜ್ಞಾನಿ (NASA Scientist) ಯೋರ್ವು ಹೇಳಿಕೆ ಭಾರಿ ಸಂಚಲನ ಮೂಡಿಸುತ್ತಿವೆ.
ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ (NASA) ಹಾಗೂ ಅಮೆರಿಕನ್ ನೇವಿ (US Navy) ಜೊತೆ ಕಾರ್ಯನಿರ್ವಹಿಸಿದ್ದ ಮಾಜಿ ಸಮುದ್ರ ವಿಜ್ಞಾನಿ (Marine Scientist) ಇಂಗ್ರಿಡ್ ಹೊಂಕಾಲಾ (Ingrid Honkala) ತಮ್ಮ ಜೀವನದ ವಿಚಿತ್ರ ಅನುಭವಗಳನ್ನು ಹಂಚಿಕೊಂಡಿದ್ದಾರೆ.
ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಮೂರು ಬಾರಿ ಸಾವಿನ ದವಡೆಗೆ ಸಿಲುಕಿದ್ದರೂ ಪ್ರತಿ ಬಾರಿ ಪವಾಡಸದೃಶವಾಗಿ ಬದುಕುಳಿದಿರುವುದಾಗಿ ಅವರು ಹೇಳಿಕೊಂಡಿದ್ದಾರೆ.
ಪ್ರಸ್ತುತ 55 ವರ್ಷದ ನಾಸಾ ಮಾಜಿ ವಿಜ್ಞಾನಿ ಇಂಗ್ರಿಡ್ ಹೊಂಕಾಲಾ ಇತ್ತೀಚಿನ ಸಂದರ್ಶನವೊಂದರಲ್ಲಿ ತಾವು ಅನುಭವಿಸಿದ “Near Death Experience” ಕುರಿತು ಮಾತನಾಡಿದ್ದು, ಸಾವಿನ ಸಮೀಪದಲ್ಲಿ ಕಂಡ ಅನುಭವಗಳು ತಮ್ಮ ಜೀವನದ ದೃಷ್ಟಿಕೋನವನ್ನು ಸಂಪೂರ್ಣ ಬದಲಿಸಿವೆ ಎಂದು ತಿಳಿಸಿದ್ದಾರೆ.
ಎರಡು ವರ್ಷದ ಬಾಲಕಿಯಾಗಿದ್ದಾಗ ಮೊದಲ ಅನುಭವ :
ಇಂಗ್ರಿಡ್ ಅವರ ಪ್ರಕಾರ, ಮೊದಲ ಘಟನೆ ಅವರು ಕೇವಲ ಎರಡು ವರ್ಷದವರಾಗಿದ್ದಾಗ ನಡೆದಿದೆ. ಕೊಲಂಬಿಯಾದ ಬೊಗೋಟಾದಲ್ಲಿದ್ದ ಮನೆಯಲ್ಲಿನ ತಣ್ಣೀರಿನ ತೊಟ್ಟಿಗೆ ಬಿದ್ದು ಉಸಿರಾಟ ನಿಲ್ಲುವ ಪರಿಸ್ಥಿತಿ ಎದುರಿಸಬೇಕಾಯಿತು.
“ನಾನು ಮನುಷ್ಯರು ಸಾಮಾನ್ಯವಾಗಿ ಅನುಭವಿಸದ ಒಂದು ವಿಭಿನ್ನ ಪ್ರಜ್ಞಾವಸ್ಥೆಯ (Consciousness) ಲೋಕಕ್ಕೆ ಪ್ರವೇಶಿಸಿದಂತೆ ಭಾಸವಾಯಿತು. ಅಲ್ಲಿ ಭಯ, ನೋವು ಅಥವಾ ಆತಂಕವೇ ಇರಲಿಲ್ಲ. ಅದರ ಬದಲು ಪ್ರೀತಿ, ಶಾಂತಿ ಮತ್ತು ಅಚ್ಚರಿಯ ನೆಮ್ಮದಿಯಿಂದ ತುಂಬಿದ ಅನುಭವ ನನಗಾಯಿತು,” ಎಂದು ಇಂಗ್ರಿಡ್ ಹೊಂಕಾಲಾ ತಮ್ಮ ‘Near Death Experience’ ಕುರಿತು ಹೇಳಿಕೊಂಡಿದ್ದಾರೆ.ಎಂದು ಅವರು ವಿವರಿಸಿದ್ದಾರೆ.
ಅವರು ಹೇಳುವಂತೆ, ಆ ಸಂದರ್ಭದಲ್ಲಿ ತಾಯಿಯನ್ನು ದೂರದಿಂದ ನೋಡುತ್ತಿರುವ ಅನುಭವ ಕೂಡ ಆಗಿತ್ತಂತೆ. ಮಾತಿಲ್ಲದೇ ಸಂವಹನ ನಡೆಸುತ್ತಿರುವಂತೆ ಅನಿಸಿತೆಂದು ಅವರು ತಿಳಿಸಿದ್ದಾರೆ.
ಕಾರು ಅಪಘಾತ ಮತ್ತು ಶಸ್ತ್ರಚಿಕಿತ್ಸೆಯಲ್ಲೂ ಅದೇ ಅನುಭವ :
ಮೊದಲ ಘಟನೆಯ ನಂತರ 25ನೇ ವಯಸ್ಸಿನಲ್ಲಿ ಕಾರು ಅಪಘಾತ (Car Accident) ಹಾಗೂ 52ನೇ ವಯಸ್ಸಿನಲ್ಲಿ ಶಸ್ತ್ರಚಿಕಿತ್ಸೆ (Surgery) ವೇಳೆ ಮತ್ತೆ ಸಾವಿನ ಸಮೀಪದ ಅನುಭವ ಎದುರಿಸಬೇಕಾಯಿತು ಎಂದು ಇಂಗ್ರಿಡ್ ಹೇಳಿದ್ದಾರೆ.
ಈ ಮೂರೂ ಸಂದರ್ಭಗಳಲ್ಲಿಯೂ ತಮ್ಮ ದೇಹದಿಂದ ದೂರವಾದ ಅನುಭವ, ಭಯರಹಿತ ಶಾಂತ ಸ್ಥಿತಿ ಹಾಗೂ ವಿಭಿನ್ನ ಪ್ರಜ್ಞಾವಸ್ಥೆ (Consciousness) ಕಂಡ ಅನುಭವ ಒಂದೇ ರೀತಿಯದ್ದಾಗಿತ್ತು ಎಂದು ಅವರು ತಿಳಿಸಿದ್ದಾರೆ.
ಜೀವನದ ಬಗ್ಗೆ ದೃಷ್ಟಿಕೋನ ಬದಲಾಯಿತಂತೆ :
ಈ ಅನುಭವದ ಬಳಿಕ ಜೀವನದ ಕುರಿತು ತಮ್ಮ ನಿಲುವು ಸಂಪೂರ್ಣ ಬದಲಾಗಿದೆ ಎಂದು ಇಂಗ್ರಿಡ್ ಹೇಳಿದ್ದಾರೆ. ಹಿಂದೆ ವೃತ್ತಿ, ಸಾಧನೆ ಮತ್ತು ಸಂಶೋಧನೆಗಳತ್ತ ಹೆಚ್ಚು ಗಮನವಿದ್ದರೂ, ಈಗ ಮಾನಸಿಕ ಶಾಂತಿ (Mental Peace), ಸಂಬಂಧಗಳು ಮತ್ತು ಜೀವನದ ಸಣ್ಣ ಸಂತೋಷಗಳಿಗೆ ಹೆಚ್ಚು ಮಹತ್ವ ನೀಡುತ್ತಿದ್ದೇನೆ ಎಂದು ಹೇಳಿದ್ದಾರೆ.
ಇದನ್ನು ಓದಿ : SA: ನಾಪತ್ತೆಯಾದ ಉದ್ಯಮಿಯ ಶೋಧಕ್ಕೆ ಹೋದ ಪೊಲೀಸರಿಗೆ ಶಾಕ್; ರೋಚಕ ವಿಡಿಯೋ ವೈರಲ್.
“ಜೀವನ ಅಂದರೆ ಕೇವಲ ಸಾಧನೆಗಳ ಓಟವಲ್ಲ. ಪ್ರತಿಯೊಂದು ಕ್ಷಣವನ್ನೂ ಅರಿತು ಬದುಕುವುದು ಮುಖ್ಯ,” ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ವಿಜ್ಞಾನ ಮತ್ತು ಆಧ್ಯಾತ್ಮದ ನಡುವೆ ಹೊಸ ಚರ್ಚೆ :
ನಾಸಾ ಮಾಜಿ ವಿಜ್ಞಾನಿ ಇಂಗ್ರಿಡ್ ಅವರ ಈ ಹೇಳಿಕೆಗಳು ಇದೀಗ ವಿಜ್ಞಾನ (Science) ಮತ್ತು ಆಧ್ಯಾತ್ಮ (Spirituality) ನಡುವೆ ಹೊಸ ಚರ್ಚೆಗೆ ಕಾರಣವಾಗಿವೆ.
ಕೆಲ ತಜ್ಞರು ಇದನ್ನು ಮೆದುಳಿನ ಆಮ್ಲಜನಕ ಕೊರತೆ ಹಾಗೂ ನರಮಂಡಲದ ಪ್ರತಿಕ್ರಿಯೆ ಎಂದು ಪರಿಗಣಿಸಿದರೆ, ಇನ್ನು ಕೆಲವರು ಇದನ್ನು ಚೇತನದ ವಿಭಿನ್ನ ಸ್ಥಿತಿ ಎಂದು ವ್ಯಾಖ್ಯಾನಿಸುತ್ತಿದ್ದಾರೆ.
ಆದರೆ ಇಂಗ್ರಿಡ್ ಮಾತ್ರ “ಸಾವಿನ ನಂತರ ಏನಾಗುತ್ತದೆ ಎಂಬುದನ್ನು ವಿಜ್ಞಾನ ಇನ್ನೂ ಸಂಪೂರ್ಣವಾಗಿ ಅರ್ಥಮಾಡಿಕೊಂಡಿಲ್ಲ” ಎಂದು ಹೇಳಿದ್ದಾರೆ.
ನಾಸಾ ಮಾಜಿ ವಿಜ್ಞಾನಿ ಬಗ್ಗೆ ಚರ್ಚೆ :
ಇಂಗ್ರಿಡ್ ಹೊಂಕಾಲಾ ಅವರ ಅನುಭವಗಳ ವಿಡಿಯೋ ಹಾಗೂ ಸಂದರ್ಶನಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಹಲವರು ಇದನ್ನು ಅಚ್ಚರಿ ಮತ್ತು ಕುತೂಹಲದಿಂದ ಚರ್ಚಿಸುತ್ತಿದ್ದಾರೆ. “ಸಾವು ಅಂತ್ಯವೇ? ಅಥವಾ ಹೊಸ ಆರಂಭವೇ?” ಎಂಬ ಪ್ರಶ್ನೆ ಮತ್ತೆ ಚರ್ಚೆಗೆ ಬಂದಿದೆ.
ನಾಸಾ (NASA) :
- ನಾಸಾ (NASA – National Aeronautics and Space Administration) ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯಾಗಿದೆ.
- 1958ರಲ್ಲಿ ಸ್ಥಾಪನೆಯಾದ ಈ ಸಂಸ್ಥೆ ಅಂತರಿಕ್ಷ (Space), ಚಂದ್ರ, ಮಂಗಳ ಮತ್ತು ವಿಜ್ಞಾನ ಸಂಶೋಧನೆಗಳಲ್ಲಿ ವಿಶ್ವದ ಪ್ರಮುಖ ಸಂಸ್ಥೆಯಾಗಿ ಗುರುತಿಸಿಕೊಂಡಿದೆ.
- ಮಾನವನನ್ನು ಮೊದಲ ಬಾರಿಗೆ ಚಂದ್ರನ ಮೇಲೆ ಇಳಿಸಿದ ಅಪೊಲೋ ಮಿಷನ್ (Apollo Mission) ಮೂಲಕ ನಾಸಾ ಜಗತ್ತಿನ ಗಮನ ಸೆಳೆದಿತ್ತು.
- ಉಪಗ್ರಹಗಳು (Satellites), ರಾಕೆಟ್ಗಳು, ಬಾಹ್ಯಾಕಾಶ ನೌಕೆಗಳು ಮತ್ತು ಗ್ರಹಗಳ ಅಧ್ಯಯನದಲ್ಲಿ ನಾಸಾ ಮಹತ್ವದ ಕೊಡುಗೆ ನೀಡುತ್ತಿದೆ.
- ಇಂದಿಗೂ ಮಂಗಳ ಗ್ರಹ (Mars Mission) ಮತ್ತು ಚಂದ್ರಯಾನ ಸಂಬಂಧಿತ ಹಲವು ಮಹತ್ವದ ಯೋಜನೆಗಳನ್ನು ನಾಸಾ ಯಶಸ್ವಿಯಾಗಿ ನಡೆಸುತ್ತಿದೆ.
ಪ್ರಮುಖ ಸುದ್ದಿಗಳ ಸಂಪೂರ್ಣ ಪಟ್ಟಿ ಇಲ್ಲಿದೆ
Disclaimer: ಈ ನಾಸಾ ಮಾಜಿ ವಿಜ್ಞಾನಿ ಲೇಖನವು ಸಾಮಾಜಿಕ ಜಾಲತಾಣಗಳು ಹಾಗೂ ಸಂದರ್ಶನಗಳಲ್ಲಿ ಹಂಚಿಕೊಳ್ಳಲಾದ ಮಾಹಿತಿಯ ಆಧಾರದ ಮೇಲೆ ಸಿದ್ಧಪಡಿಸಲಾಗಿದೆ. ಇಲ್ಲಿ ಉಲ್ಲೇಖಿಸಿರುವ ಅನುಭವಗಳು ವೈಯಕ್ತಿಕ ಅಭಿಪ್ರಾಯ ಮತ್ತು ಅನುಭವಗಳಾಗಿದ್ದು, ವೈಜ್ಞಾನಿಕವಾಗಿ ಸಂಪೂರ್ಣ ದೃಢೀಕರಿಸಲ್ಪಟ್ಟಿಲ್ಲ.
