ಹಾವಿನ ಬಾಯಿಗೆ ಬಾಯಿ ಹಾಕಿದ ಭೂಪ: ಮೈ ನಡುಗಿಸುವ ವಿಡಿಯೋ ನೋಡಿ.

ಡೆಸ್ಕ್ : ಸಾಮಾನ್ಯವಾಗಿ ಹಾವು (Snake) ಕಂಡರೆ ಬಹುತೇಕ ಜನರು ಭಯದಿಂದ ದೂರ ಓಡುವುದು ಸಹಜ. ಆದರೆ ಕೆಲವರು ಮಾತ್ರ ಹಾವುಗಳನ್ನು ಹಿಡಿಯುವುದು, ಅವುಗಳ ಜೊತೆ ಸಮೀಪವಾಗಿ ವರ್ತಿಸುವುದು ಎಂಬುದನ್ನು ಹವ್ಯಾಸವಾಗಿಸಿಕೊಂಡಿರುತ್ತಾರೆ.

ಇತ್ತೀಚಿನ ದಿನಗಳಲ್ಲಿ Social Mediaಗಳಲ್ಲಿ ಹೆಚ್ಚು ಗಮನ ಸೆಳೆಯುವ ಉದ್ದೇಶದಿಂದ ಕೆಲವರು ಅಪಾಯಕಾರಿ ಸಾಹಸಗಳನ್ನು ಮಾಡುತ್ತಿರುವುದು ಕಂಡುಬರುತ್ತಿದೆ.

ಹಾವಿನ ಬಾಯಿಗೆ ಬಾಯಿ ಹಾಕಿದ ಭೂಪ :

ಇದೀಗ ಇದೇ ರೀತಿಯ ಒಂದು ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದ್ದು, ನೋಡುಗರಲ್ಲಿ ಆತಂಕ ಹುಟ್ಟಿಸಿದೆ. ವಿಡಿಯೋದಲ್ಲಿ ಓರ್ವ ವ್ಯಕ್ತಿ ರಸ್ತೆ ಬದಿಯಲ್ಲಿ ಕಾಣಿಸಿಕೊಂಡ ಹಾವನ್ನು ಯಾವುದೇ ಸುರಕ್ಷತಾ ಕ್ರಮಗಳಿಲ್ಲದೆ ಬರಿಗೈಯಲ್ಲಿ ಹಿಡಿಯುತ್ತಿರುವುದು ಗೋಚರಿಸುತ್ತದೆ.

ಮೊದಲಿಗೆ ಆತ ಹಾವನ್ನು ನಿಯಂತ್ರಣಕ್ಕೆ ತೆಗೆದುಕೊಂಡು ಅದರ ಜೊತೆ ಮಾತನಾಡುತ್ತಿರುವಂತೆ ವರ್ತಿಸುತ್ತಾನೆ. ಅದಾದ ಬಳಿಕ ಆತ ಮಾಡಿದ ಕೆಲಸ ಇನ್ನಷ್ಟು ಅಪಾಯಕಾರಿಯಾದೆ. ಆ ವ್ಯಕ್ತಿ ಹಾವಿನ ಬಾಯಿಯ ಸಮೀಪ ತನ್ನ ಬಾಯಿಯನ್ನು ಇಟ್ಟು ಸರಸವಾಡುತ್ತಿರುವುದು ವಿಡಿಯೋದಲ್ಲಿ ಸ್ಪಷ್ಟವಾಗಿ ಕಾಣಿಸುತ್ತದೆ.

ಇದನ್ನು ಓದಿ : ಇರಾನ್ ಧ್ವಜದ ಸರಕು ಹಡಗು ವಶಕ್ಕೆ ಪಡೆದ ಅಮೆರಿಕ ಪಡೆಗಳು: ಉತ್ತರ ಅರಬ್ಬಿ ಸಮುದ್ರದಲ್ಲಿ ಉದ್ವಿಗ್ನತೆ

ಸುತ್ತಮುತ್ತ ನಿಂತಿದ್ದ ಜನರು ಈ ದೃಶ್ಯವನ್ನು ಬೆರಗಾಗಿ ನೋಡುವಂತಾಗುತ್ತದೆ. ಕೆಲವರು ಈತನ ಧೈರ್ಯಕ್ಕೆ ಆಶ್ಚರ್ಯಪಟ್ಟರೆ, ಇನ್ನೂ ಕೆಲವರು ಇಂತಹ ವರ್ತನೆಗೆ ಆತಂಕ ವ್ಯಕ್ತಪಡಿಸಿದ್ದಾರೆ. ಮುಂದೆ ಆತ ಹಾವನ್ನು ಕೈಯಲ್ಲಿ ಹಿಡಿದು ಒಂದು ಚೀಲದೊಳಗೆ ಹಾಕುವ ದೃಶ್ಯವೂ ಕಾಣಿಸಿಕೊಂಡಿದೆ.

ತಜ್ಞರ ಎಚ್ಚರಿಕೆ ಏನು?

ಈ ರೀತಿಯ ವರ್ತನೆಗಳು ತೀವ್ರ ಅಪಾಯಕಾರಿಯಾಗಿದ್ದು, ಜೀವಕ್ಕೆ ಹಾನಿ ಉಂಟುಮಾಡುವ ಸಾಧ್ಯತೆ ಇದೆ ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಹಾವುಗಳು ಯಾವ ಕ್ಷಣದಲ್ಲಾದರೂ ದಾಳಿ ಮಾಡಬಹುದಾದ ಕಾರಣ, ತರಬೇತಿ ಇಲ್ಲದವರು ಇಂತಹ  ದುಸ್ಸಾಹಸಕ್ಕೆ ಕೈ ಹಾಕುವುದು ಅಪಾಯಕಾರಿ.

ಪರಿಸರ ತಜ್ಞರ ಪ್ರಕಾರ, ಹಾವುಗಳು ಪರಿಸರದ ಸಮತೋಲನ ಕಾಪಾಡುವ ಪ್ರಮುಖ ಜೀವಿಗಳಾಗಿವೆ. ಅವುಗಳನ್ನು ಕಾಡುವುದು ಅಥವಾ ಅನಗತ್ಯವಾಗಿ ಹಸ್ತಕ್ಷೇಪ ಮಾಡುವುದು ಪರಿಸರಕ್ಕೆ ಹಾನಿಕಾರಕ. ಹೀಗಾಗಿ ಇಂತಹ ವಿಡಿಯೋಗಳನ್ನು ನೋಡಿ ಪ್ರೇರಿತವಾಗದೆ, ಸುರಕ್ಷತೆ ಮತ್ತು ಪರಿಸರ ಸಂರಕ್ಷಣೆಗೆ ಆದ್ಯತೆ ನೀಡುವುದು ಅತ್ಯಗತ್ಯ.

ಹಾವಿನ ಬಾಯಿಗೆ ಬಾಯಿ ಹಾಕಿದ ಭೂಪನ ವಿಡಿಯೋ :

लगता है चाचा अपनी ज़िंदगी से परेशान है और जल्दी मरना चाहतें है…? pic.twitter.com/4bcMoL1mlV

— Dinesh Kumar (@DineshRedBull) April 19, 2026

Courtesy : Social Media / Twitter   

Dinesh Kumar (@DineshRedBull) ಎಂಬುವವರು ತಮ್ಮ twitter ಖಾತೆಯಲ್ಲಿ ಈ ವಿಡಿಯೋವನ್ನು April 19, 2026 ರಂದು ಹಂಚಿಕೊಂಡು, “लगता है चाचा अपनी ज़िंदगी से परेशान है और जल्दी मरना चाहतें है…? ಎಂದು ಬರೆದುಕೊಂಡಿದ್ದಾರೆ. ಸದ್ಯ ಈ ವಿಡಿಯೋವನ್ನು ಇಲ್ಲಿಯವರೆಗೆ 15.7K Views ಪಡೆದುಕೊಂಡಿದೆ.

ಹೆಚ್ಚಿನ ಬ್ರೇಕಿಂಗ್ ನ್ಯೂಸ್‌ಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಗಮನ ಸೆಳೆಯಲು ಮಾಡುವ ಇಂತಹ ಸಾಹಸಗಳು ಕೆಲವೊಮ್ಮೆ ಜೀವಕ್ಕೆ ಅಪಾಯ ತರುತ್ತವೆ ಎಂಬುದನ್ನು ಮರೆಯಬಾರದು.

Disclaimer: ಈಹಾವಿನ ಬಾಯಿಗೆ ಬಾಯಿ ಹಾಕಿದ ಭೂಪನ  ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ವಿಡಿಯೋ ಆಧಾರಿತ ಮಾಹಿತಿ ಮೇಲೆ ರಚಿಸಲಾಗಿದೆ. ಇದರ ಸತ್ಯಾಸತ್ಯತೆ ಕುರಿತು ಸ್ವತಂತ್ರವಾಗಿ ದೃಢೀಕರಣ ಮಾಡಿಲ್ಲ. ಇಂತಹ ಅಪಾಯಕಾರಿ ಕೃತ್ಯಗಳನ್ನು ಯಾರೂ ಅನುಸರಿಸಬಾರದು. ಈ ಲೇಖನ ಮಾಹಿತಿ ನೀಡುವ ಉದ್ದೇಶಕ್ಕೆ ಮಾತ್ರವಾಗಿದೆ.