ಬೆಳಗ್ಗೆ ಎದ್ದ ತಕ್ಷಣ ಈ 7 ಲಕ್ಷಣಗಳು ಕಾಣಿಸುತ್ತಿವೆಯೇ? ಇವು ಕಿಡ್ನಿ ಸಮಸ್ಯೆಯ ಮುನ್ನೆಚ್ಚರಿಕೆ ಆಗಿರಬಹುದು!

ಆರೋಗ್ಯ ಮಾಹಿತಿ : ನಿಮ್ಮಲ್ಲಿ ಬೆಳಗ್ಗೆ ಎದ್ದ ತಕ್ಷಣ ಈ 7 ಲಕ್ಷಣಗಳು ಕಾಣಿಸುತ್ತಿವೆಯೇ? ಹೌದಾಗಿದ್ರೆ ಅವು ನಿಮ್ಮ ಕಿಡ್ನಿ ಸಮಸ್ಯೆಯ ಮುನ್ನೆಚ್ಚರಿಕೆ ಆಗಿರಬಹುದು. ಅವುಗಳನ್ನು ನಿರ್ಲಕ್ಷಿಸದೆ ಕೂಡಲೇ ವೈದ್ಯಕೀಯ ಪರೀಕ್ಷೆ ಮಾಡಿಸಿಕೊಳ್ಳುವುದು ಅಗತ್ಯ. ಇಲ್ಲಂದ್ರೆ ಮುಂದೆ ಸಮಸ್ಯೆ ಆಗಬಹುದು.

ಮಾನವ ದೇಹದ ಅತ್ಯಂತ ಪ್ರಮುಖ ಅಂಗಗಳಲ್ಲಿ ಮೂತ್ರಪಿಂಡಗಳು (Kidneys) ಸಹ ಅತ್ಯಂತ ಮಹತ್ವದ ಅಂಗಗಳು. ಇವು ದೇಹದ ಸಮತೋಲನ ಕಾಪಾಡುವಲ್ಲಿ ದೊಡ್ಡ ಪಾತ್ರ ವಹಿಸುತ್ತವೆ. ರಕ್ತದಲ್ಲಿನ ತ್ಯಾಜ್ಯ ಪದಾರ್ಥಗಳನ್ನು ಹೊರಹಾಕುವುದು, ದೇಹದಲ್ಲಿನ ನೀರಿನ ಪ್ರಮಾಣವನ್ನು ನಿಯಂತ್ರಿಸುವುದು, ರಕ್ತದೊತ್ತಡ ಸಮತೋಲನದಲ್ಲಿಡುವುದು ಸೇರಿದಂತೆ ಹಲವು ಜೀವಾವಶ್ಯಕ ಕಾರ್ಯಗಳನ್ನು ಕಿಡ್ನಿಗಳು ನಿರ್ವಹಿಸುತ್ತವೆ.

ಆದರೆ ಕಿಡ್ನಿ ಸಮಸ್ಯೆಗಳು ಆರಂಭಿಕ ಹಂತದಲ್ಲಿ ಸ್ಪಷ್ಟ ಲಕ್ಷಣ ತೋರಿಸದೇ ನಿಧಾನವಾಗಿ ಬೆಳೆಯುವ ಕಾರಣ ವೈದ್ಯರು ಇದನ್ನು “ಸೈಲೆಂಟ್ ಡಿಸೀಸ್” ಎಂದು ಕರೆಯುತ್ತಾರೆ. ಆದರೂ ಸಹ ಕಿಡ್ನಿ ಸಮಸ್ಯೆಯ ಮುನ್ನೆಚ್ಚರಿಕೆಯನ್ನು ಗಮನಿಸುವುದು ತುಂಬಾ ಮುಖ್ಯ.

ಆರೋಗ್ಯ ತಜ್ಞರ ಪ್ರಕಾರ, ಬೆಳಗ್ಗೆ ನಿದ್ರೆಯಿಂದ ಎದ್ದ ಕೂಡಲೇ ದೇಹದಲ್ಲಿ ಕಾಣಿಸಿಕೊಳ್ಳುವ ಕೆಲವು ಬದಲಾವಣೆಗಳು ನಮ್ಮ ಕಿಡ್ನಿ ಆರೋಗ್ಯದಲ್ಲಿ ಸಮಸ್ಯೆ ಇರುವ ಸೂಚನೆಯಾಗಿರಬಹುದು. ಇವು ಪದೇಪದೇ ಇಂತಹ ಲಕ್ಷಣಗಳು ಕಂಡುಬಂದರೆ ನಿರ್ಲಕ್ಷಿಸದೆ ವೈದ್ಯರ ಬಳಿ ಹೋಗಿ ಪರೀಕ್ಷೆ ಮಾಡಿಸಿಕೊಳ್ಳುವುದು ಅಗತ್ಯ.

ಆ 7 ಪ್ರಮುಖ ಲಕ್ಷಣಗಳು ಕಿಡ್ನಿ ಸಮಸ್ಯೆಯ ಮುನ್ನೆಚ್ಚರಿಕೆ?

ಈ ಸುದ್ದಿ ಓದಿ : ಅಶ್ಲೀಲ ಮೆಸೇಜ್ ಕಳುಹಿಸಿ ಮಹಿಳೆಯರಿಗೆ ಕಿರುಕುಳ ನೀಡುತ್ತಿದ್ದವನಿಗೆ ಚಪ್ಪಲಿ ಸೇವೆ, ವಿಡಿಯೋ ವೈರಲ್!

1. ಕಣ್ಣು ಅಥವಾ ಮುಖದಲ್ಲಿ ಊತ ಕಾಣಿಸಿಕೊಳ್ಳುವುದು :

ಬೆಳಿಗ್ಗೆ ಎದ್ದ ತಕ್ಷಣ “ಕಣ್ಣುಗಳ ಸುತ್ತ ಅಥವಾ ಮುಖದಲ್ಲಿ ಊತ” ಕಾಣಿಸಿದರೆ, ದೇಹದಲ್ಲಿನ ಹೆಚ್ಚುವರಿ ದ್ರವವನ್ನು ಕಿಡ್ನಿಗಳು ಸರಿಯಾಗಿ ಹೊರಹಾಕುತ್ತಿಲ್ಲ ಎನ್ನುವ ಸೂಚನೆ ಆಗಿರಬಹುದು. ಇದರಿಂದ ದೇಹದಲ್ಲಿ ನೀರು ಸಂಗ್ರಹವಾಗಿ ಉಬ್ಬರ ಉಂಟಾಗುತ್ತದೆ.

2. ಸಾಕಷ್ಟು ನಿದ್ರೆ ಮಾಡಿದರೂ ಆಯಾಸ ಇರುವುದು :

ರಾತ್ರಿ ಚೆನ್ನಾಗಿ ನಿದ್ರೆ ಮಾಡಿದರೂ ಬೆಳಗ್ಗೆ “ದೌರ್ಬಲ್ಯ ಅಥವಾ ನಿಶ್ಯಕ್ತಿ” ಅನುಭವಿಸುತ್ತಿದ್ದರೆ ಗಮನಿಸಬೇಕು. ರಕ್ತದಲ್ಲಿನ ವಿಷಕಾರಿ ಅಂಶಗಳನ್ನು ಕಿಡ್ನಿಗಳು ಸರಿಯಾಗಿ ಫಿಲ್ಟರ್ ಮಾಡದಿದ್ದರೆ ದೇಹದ ಶಕ್ತಿ ಕುಂದುವ ಸಾಧ್ಯತೆ ಇದೆ.

3. ಮೂತ್ರದಲ್ಲಿ ಅಸಾಮಾನ್ಯ ಬದಲಾವಣೆಗಳು :

ಬೆಳಗಿನ ಮೊದಲ ಮೂತ್ರದಲ್ಲಿ “ಹೆಚ್ಚು ನೊರೆ ಕಾಣುವುದು, ಬಣ್ಣ ಗಾಢವಾಗಿರುವುದು, ಪ್ರಮಾಣದಲ್ಲಿ ಏಕಾಏಕಿ ಬದಲಾವಣೆ ಅಥವಾ ರಕ್ತದ ಕಲೆ” ಕಾಣಿಸಿಕೊಳ್ಳುವುದು ಕಿಡ್ನಿ ಸಮಸ್ಯೆಯ ಪ್ರಮುಖ ಸೂಚನೆಗಳಾಗಿರಬಹುದು.

4. ಬಾಯಿ ಒಣಗುವುದು ಅಥವಾ ದುರ್ವಾಸನೆ :

ಬೆಳಿಗ್ಗೆ ಎದ್ದ ತಕ್ಷಣ “ಬಾಯಿ ಅತಿಯಾಗಿ ಒಣಗಿರುವುದು ಅಥವಾ ನಿರಂತರ ದುರ್ವಾಸನೆ” ಬರುತ್ತಿದ್ದರೆ ದೇಹದಲ್ಲಿ ತ್ಯಾಜ್ಯ ಪದಾರ್ಥಗಳ ಪ್ರಮಾಣ ಹೆಚ್ಚಾಗಿರುವ ಸಾಧ್ಯತೆ ಇರುತ್ತದೆ. ಇದು ಕಿಡ್ನಿ ಕಾರ್ಯಕ್ಷಮತೆಯ ಮೇಲಿನ ಪರಿಣಾಮವಾಗಿರಬಹುದು.

5. ಕಾಲು ಮತ್ತು ಪಾದಗಳಲ್ಲಿ ಉಬ್ಬರ :

ಕಿಡ್ನಿಗಳು ದೇಹದಲ್ಲಿನ ಹೆಚ್ಚುವರಿ ನೀರು ಹಾಗೂ ಉಪ್ಪನ್ನು ಹೊರಹಾಕಲು ವಿಫಲವಾದರೆ “ಕಾಲುಗಳು, ಪಾದಗಳು ಹಾಗೂ ಮಣಿಕಟ್ಟಿನ ಭಾಗದಲ್ಲಿ ಊತ” ಕಾಣಿಸಿಕೊಳ್ಳಬಹುದು. ಬೆಳಿಗ್ಗೆ ಚಪ್ಪಲಿ ಬಿಗಿಯಾದಂತೆ ಅನ್ನಿಸಿದರೂ ಪರೀಕ್ಷೆ ಮಾಡಿಸಿಕೊಳ್ಳುವುದು ಒಳಿತು.

ಇದನ್ನು ಓದಿ : ಬೆಂಗಳೂರಿನಲ್ಲಿ ಬಾಂಗ್ಲಾದೇಶಿಗರ ಅಕ್ರಮ ಜಾಲ ಬಯಲು: ಮಾನವ ಕಳ್ಳ ಸಾಗಣೆ, ವೇಶ್ಯಾವಾಟಿಕೆ ದಂಧೆ; 12 ಮಂದಿ ವಶಕ್ಕೆ.

6. ಪದೇಪದೇ ರಕ್ತದೊತ್ತಡ ಹೆಚ್ಚಾಗುವುದು :

ಕಿಡ್ನಿಗಳು ಮತ್ತು “ರಕ್ತದೊತ್ತಡ” ಪರಸ್ಪರ ಸಂಬಂಧ ಹೊಂದಿವೆ. ಬೆಳಗ್ಗೆ ಹೈ ಬಿಪಿ ದಾಖಲಾಗುತ್ತಿದ್ದರೆ ಅದರ ಹಿಂದೆ ಕಿಡ್ನಿ ಆರೋಗ್ಯ ಸಮಸ್ಯೆಯೂ ಇರಬಹುದು.

7. ಬೆನ್ನು ಅಥವಾ ಸೊಂಟದ ಒಂದು ಬದಿಯಲ್ಲಿ ನೋವು :

“ಬೆನ್ನಿನ ಕೆಳಭಾಗ ಅಥವಾ ಸೊಂಟದ ಒಂದು ಬದಿಯಲ್ಲಿ ನಿರಂತರ ನೋವು” ಕಾಣಿಸಿದರೆ ಕಿಡ್ನಿಯಲ್ಲಿ ಕಲ್ಲು, ಸೋಂಕು ಅಥವಾ ಇತರ ಸಮಸ್ಯೆಗಳ ಸೂಚನೆ ಆಗಿರಬಹುದು.

ಕಿಡ್ನಿ ಆರೋಗ್ಯ ಕಾಪಾಡಲು ಹೀಗೆ ಮಾಡಿ :

• ಪ್ರತಿದಿನ ಸಾಕಷ್ಟು ನೀರು ಕುಡಿಯುವುದು,
• ಉಪ್ಪು ಮತ್ತು ಜಂಕ್ ಫುಡ್ ಕಡಿಮೆ ಸೇವಿಸುವುದು,
• ರಕ್ತದೊತ್ತಡ ಮತ್ತು ಮಧುಮೇಹ ನಿಯಂತ್ರಣದಲ್ಲಿ ಇಡುವುದು,
• ಧೂಮಪಾನ ಮತ್ತು ಮದ್ಯಪಾನದಿಂದ ದೂರ ಇರುವುದು ಮತ್ತು
• ಜೊತೆಗೆ ನಿಯಮಿತ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳುವುದು ಬಹಳ ಮುಖ್ಯ.

ಈ ಸುದ್ದಿಯನ್ನು ಓದಿ : ಡೇಟಿಂಗ್ ಆ್ಯಪ್‌ನಲ್ಲಿ ಪರಿಚಯ, ಯುವಕನ ಜೊತೆ ಡೇಟ್; 4 ವರ್ಷಗಳ ಬಳಿಕ ಖಾಸಗಿ ವಿಡಿಯೋ ವೈರಲ್!

ಗಮನಿಸಿ, ಮೇಲಿನ ಲಕ್ಷಣಗಳು ಕೇವಲ ಕಿಡ್ನಿ ಸಮಸ್ಯೆಯ ಮುನ್ನೆಚ್ಚರಿಕೆ ಮಾತ್ರವಲ್ಲದೆ ಇತರ ಆರೋಗ್ಯ ಸಮಸ್ಯೆಗಳಲ್ಲಿಯೂ ಕಾಣಿಸಿಕೊಳ್ಳಬಹುದು. ಆದ್ದರಿಂದ ಯಾವುದೇ ಲಕ್ಷಣಗಳು ನಿರಂತರವಾಗಿ ಕಂಡುಬಂದರೆ ಸ್ವಯಂ ಔಷಧಿ ಸೇವಿಸದೆ ವೈದ್ಯರ ಸಲಹೆ ಪಡೆಯುವುದು ಉತ್ತಮ.

ಕಿಡ್ನಿಯ ಮಹತ್ವ :

ಮಾನವ ದೇಹದಲ್ಲಿ ಕಿಡ್ನಿ (ಮೂತ್ರಪಿಂಡ) ಯು ಅತ್ಯಂತ ಪ್ರಮುಖ ಅಂಗವಾಗಿದ್ದು, ರಕ್ತದಲ್ಲಿರುವ ತ್ಯಾಜ್ಯ ಪದಾರ್ಥಗಳನ್ನು ಫಿಲ್ಟರ್ ಮಾಡಿ ಹೊರಹಾಕುವ ಕೆಲಸ ಮಾಡುತ್ತದೆ. ದೇಹದಲ್ಲಿನ ನೀರಿನ ಪ್ರಮಾಣ, ಉಪ್ಪು ಮತ್ತು ಖನಿಜಗಳ ಸಮತೋಲನವನ್ನು ಕಾಪಾಡಲು ಕಿಡ್ನಿ ಸಹಕಾರಿಯಾಗಿದೆ.

ಜೊತೆಗೆ ರಕ್ತದೊತ್ತಡ ನಿಯಂತ್ರಣ ಮತ್ತು ಕೆಂಪು ರಕ್ತಕಣಗಳ ಉತ್ಪಾದನೆಯಲ್ಲಿ ಕೂಡ ಕಿಡ್ನಿಯ ಪಾತ್ರ ಮಹತ್ವದ್ದಾಗಿದೆ. ಕಿಡ್ನಿ ಆರೋಗ್ಯವಾಗಿದ್ದರೆ ದೇಹದ ಅನೇಕ ಪ್ರಮುಖ ವ್ಯವಸ್ಥೆಗಳು ಸರಿಯಾಗಿ ಕಾರ್ಯನಿರ್ವಹಿಸುತ್ತವೆ.

ಹೆಚ್ಚಿನ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ