ಡೆಸ್ಕ್ : ನೀವು ರಸ್ತೆ ಬದಿ ಕಾರು ನಿಲ್ಲಿಸಿ ಕಾರಿನ ಡೋರ್ ತೆರೆಯುವ ಮುನ್ನ ಒಮ್ಮೆ ಎಚ್ಚರಿಕೆ ಇರಲಿ, ಕ್ಷಣ ಕಾಲದ ನಿರ್ಲಕ್ಷ್ಯಕ್ಕೆ ಏನಾಗುತ್ತೇ ಅಂತ ನಿಮಗೂ ಗೊತ್ತಾಗಬೇಕಾದ್ರೆ ಈ ವಿಡಿಯೋ ಖಂಡಿತಾ ತಪ್ಪದೇ ನೋಡಿ.
ರಸ್ತೆ ಸುರಕ್ಷತೆ ಬಗ್ಗೆ ಸಾಕಷ್ಟು ಜಾಗೃತಿ ಕಾರ್ಯಕ್ರಮಗಳು ನಡೆಯುತ್ತಿದ್ದರೂ ಸಹ ಕೆಲವೊಮ್ಮೆ ಸಣ್ಣ ನಿರ್ಲಕ್ಷ್ಯವೇ ದೊಡ್ಡ ಅಪಘಾತಗಳಿಗೆ ಕಾರಣವಾಗುತ್ತದೆ. ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ವಿಡಿಯೊವೊಂದು ಇದಕ್ಕೆ ಜೀವಂತ ನಿದರ್ಶನ.
ಸದ್ಯ ಸಾಮಾಜಿಕ ಜಾಲತಣದಲ್ಲಿ ವೈರಲ್ ಆಗಿರೋ ವಿಡಿಯೋ ರಸ್ತೆ ಬದಿ ಕಾರು ನಿಲ್ಲಿಸಿದ ಬಳಿಕ ಕಾರಿನ ಡೋರ್ (ಬಾಗಿಲು) ತೆರೆಯುವಾಗ ಎಷ್ಟು ಎಚ್ಚರಿಕೆ ಅಗತ್ಯ ಎಂಬುದನ್ನು ಈ ಘಟನೆ ಸ್ಪಷ್ಟವಾಗಿ ತೋರಿಸುತ್ತದೆ.
ವಿಡಿಯೋದಲ್ಲೇನಿದೆ?
ವಿಡಿಯೊದಲ್ಲಿ ಕಾಣುವಂತೆ, ವಾಹನ ಸಂಚಾರ ಹೆಚ್ಚಿರುವ ರಸ್ತೆಯ ಬದಿಯಲ್ಲಿ ಕಾರೊಂದು ನಿಲ್ಲಿಸಲಾಗಿದೆ. ಕೆಲವೇ ಕ್ಷಣಗಳಲ್ಲಿ ಕಾರಿನೊಳಗಿದ್ದ ವ್ಯಕ್ತಿ ಹೊರಬರಲು ಬಾಗಿಲು ತೆರೆಯುತ್ತಾನೆ. ಆದರೆ ಈ ವೇಳೆ ಕಾರಿನಲ್ಲಿದ್ದ ವ್ಯಕ್ತಿ ಹಿಂದಿನಿಂದ ಬರುತ್ತಿರುವ ವಾಹನಗಳ ಬಗ್ಗೆ ಸರಿಯಾಗಿ ಗಮನಿಸದ ಡೋರ್ ಓಪನ್ ಮಾಡುತ್ತಾನೆ.
ಈ ಸುದ್ದಿಯನ್ನು ಓದಿ : PUC ಪಾಸಾದವರಿಗೆ ಗುಡ್ ನ್ಯೂಸ್! 3,395 ಸಿವಿಲ್ ಪೊಲೀಸ್ ಕಾನ್ಸ್ಟೇಬಲ್ ಹುದ್ದೆಗಳಿಗೆ ಅರ್ಜಿ ಆಹ್ವಾನ.
ಅದೇ ಸಮಯದಲ್ಲಿ ಕಾರಿನ ಹಿಂಬದಿಯಿಂದ ಬರುತ್ತಿದ್ದ ಬೈಕ್ ಸವಾರನಿಗೆ ಕಾರಿನ ಬಾಗಿಲು ಅಡ್ಡಿಯಾಗುವ ಪರಿಸ್ಥಿತಿ ನಿರ್ಮಾಣವಾಗಿ ಬೈಕ್ ಸವಾರ ಆಘಾತಕ್ಕೊಳಗಾಗುತ್ತಾರೆ.
ಕಾರಿನ ಡೋರ್ ಓಪನ್, ಕ್ಷಣಾರ್ಧದಲ್ಲಿ ಅಪಘಾತ :
ಬೈಕ್ ಸವಾರ ತನ್ನ ಮಾರ್ಗದಲ್ಲಿ ಸಾಗುತ್ತಿದ್ದಾಗ ಹಠಾತ್ ತೆರೆಯಲಾದ ಕಾರಿನ ಬಾಗಿಲು ಅವನಿಗೆ ಅಡ್ಡಿಯಾಗುತ್ತದೆ. ಪರಿಣಾಮವಾಗಿ ಬೈಕ್ ನಿಯಂತ್ರಣ ಕಳೆದುಕೊಂಡು ರಸ್ತೆ ಮೇಲೆ ಉರುಳುವುದನ್ನು ನೀವು ವಿಡಿಯೋದಲ್ಲಿ ಕಾಣಬಹುದಾಗಿದೆ.
ಅದೃಷ್ಟವಶಾತ್ ಈ ರೀತಿಯ ಘಟನೆಗಳಲ್ಲಿ ಕೆಲವೊಮ್ಮೆ ಪ್ರಾಣಾಪಾಯ ತಪ್ಪಿದರೂ, ಗಂಭೀರ ಗಾಯಗಳಾಗುವ ಸಾಧ್ಯತೆ ಹೆಚ್ಚಿರುತ್ತದೆ ಎಂದು ರಸ್ತೆ ಸುರಕ್ಷತಾ ತಜ್ಞರು ಹೇಳುತ್ತಾರೆ.
Most people in our country drive like roads are their father’s property.
Bro suddenly opened his door right into traffic, caused a biker to crash, and his first concern was the car door. pic.twitter.com/aix3mh197z
— Bheem 🇺🇲 (@TiredBhiim) June 5, 2026
Courtesy : Social Media / Twitter
‘ಡೋರಿಂಗ್’ ಎಂದರೇನು?
ರಸ್ತೆ ಸುರಕ್ಷತೆಯ ಭಾಷೆಯಲ್ಲಿ ಕಾರಿನ ಡೋರ್ ಹಠಾತ್ ತೆರೆಯುವುದರಿಂದ ಸೈಕಲ್ ಅಥವಾ ಬೈಕ್ ಸವಾರರಿಗೆ ಅಪಘಾತವಾಗುವ ಘಟನೆಗಳನ್ನು ‘ಡೋರಿಂಗ್’ (Dooring) ಎಂದು ಕರೆಯಲಾಗುತ್ತದೆ.
ಇದನ್ನು ಓದಿ : ಲವ್ ಬ್ರೇಕಪ್ : ಕಚೇರಿಯಲ್ಲೇ ಮಾಜಿ ಪ್ರೇಯಸಿಯ ಮೇಲೆ ಮಾರಣಾಂತಿಕ ದಾಳಿ ; ಬೆಚ್ಚಿಬೀಳಿಸುವ ವಿಡಿಯೋ ವೈರಲ್.!
ವಿಶ್ವದ ಅನೇಕ ದೇಶಗಳಲ್ಲಿ ಇದು ರಸ್ತೆ ಅಪಘಾತಗಳ ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ. ವಾಹನದಿಂದ ಇಳಿಯುವ ಮೊದಲು ಹಿಂಬದಿಯಿಂದ ಯಾವುದೇ ವಾಹನ ಬರುತ್ತಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳುವುದು ಅತ್ಯಗತ್ಯ.
ನೆಟ್ಟಿಗರಿಂದ ಆಕ್ರೋಶ :
ಈ ಘಟನೆಯ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹಂಚಿಕೆಯಾಗಿದ್ದು, ಅನೇಕರು ಕಾರು ಚಾಲಕರ ನಿರ್ಲಕ್ಷ್ಯದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ರಸ್ತೆ ಬಳಸುವ ಪ್ರತಿಯೊಬ್ಬರೂ ತಮ್ಮ ಸುರಕ್ಷತೆಯ ಜೊತೆಗೆ ಇತರರ ಸುರಕ್ಷತೆಯ ಬಗ್ಗೆಯೂ ಜವಾಬ್ದಾರಿಯಿಂದ ವರ್ತಿಸಬೇಕು ಎಂಬ ಅಭಿಪ್ರಾಯಗಳು ವ್ಯಕ್ತವಾಗಿವೆ.
ರಸ್ತೆ ಸುರಕ್ಷತೆಗಾಗಿ ಗಮನಿಸಬೇಕಾದ ಅಂಶಗಳು :
ತಜ್ಞರ ಪ್ರಕಾರ, ಕಾರಿನಿಂದ ಇಳಿಯುವ ಮೊದಲು ಕನ್ನಡಿಗಳು ಹಾಗೂ ಹಿಂಭಾಗದ ಸಂಚಾರವನ್ನು ಪರಿಶೀಲಿಸಬೇಕು. ಬಾಗಿಲನ್ನು ನಿಧಾನವಾಗಿ ತೆರೆಯುವುದು, ವಾಹನ ಸಂಚಾರ ಹೆಚ್ಚಿರುವ ರಸ್ತೆಗಳ ಬಳಿ ಹೆಚ್ಚುವರಿ ಎಚ್ಚರಿಕೆ ವಹಿಸುವುದು ಹಾಗೂ ಇತರ ರಸ್ತೆ ಬಳಕೆದಾರರ ಸುರಕ್ಷತೆಯನ್ನು ಗೌರವಿಸುವುದು ಅಪಘಾತಗಳನ್ನು ತಡೆಯಲು ಸಹಕಾರಿಯಾಗುತ್ತದೆ.
ಈ ಘಟನೆ ರಸ್ತೆ ಸುರಕ್ಷತೆ ಕೇವಲ ನಿಯಮಗಳ ವಿಷಯವಲ್ಲ, ಅದು ಪ್ರತಿಯೊಬ್ಬರ ಜವಾಬ್ದಾರಿಯೂ ಹೌದು ಎಂಬುದನ್ನು ಮತ್ತೊಮ್ಮೆ ನೆನಪಿಸುತ್ತದೆ.
ಇತ್ತೀಚಿನ ಎಲ್ಲಾ ಪ್ರಮುಖ ಸುದ್ದಿಗಳನ್ನು ಇಲ್ಲಿ ಓದಿ
ಸಂಪಾದಕೀಯ :
- ರಸ್ತೆ ಸುರಕ್ಷತೆ ಕೇವಲ ವಾಹನ ಚಲಾಯಿಸುವವರ ಜವಾಬ್ದಾರಿಯಲ್ಲ, ವಾಹನದಿಂದ ಇಳಿಯುವ ಪ್ರತಿಯೊಬ್ಬರ ಜವಾಬ್ದಾರಿಯೂ ಆಗಿದೆ.
- ಕಾರಿನ ಡೋರ್ (ಬಾಗಿಲು) ತೆರೆಯುವ ಮೊದಲು ಹಿಂಬದಿಯಿಂದ ವಾಹನಗಳು ಬರುತ್ತಿವೆಯೇ ಎಂದು ಖಚಿತಪಡಿಸಿಕೊಳ್ಳುವುದು ಅಪಘಾತಗಳನ್ನು ತಡೆಯುವ ಸರಳ ಆದರೆ ಅತ್ಯಂತ ಮುಖ್ಯ ಕ್ರಮವಾಗಿದೆ. ಕ್ಷಣಮಾತ್ರದ ನಿರ್ಲಕ್ಷ್ಯ ಮತ್ತೊಬ್ಬರ ಜೀವಕ್ಕೆ ಅಪಾಯ ಉಂಟುಮಾಡಬಹುದು.
- ರಸ್ತೆ ಬಳಸುವ ಪ್ರತಿಯೊಬ್ಬರೂ ಎಚ್ಚರಿಕೆ ಮತ್ತು ಜವಾಬ್ದಾರಿಯಿಂದ ವರ್ತಿಸಿದಾಗ ಮಾತ್ರ ಸುರಕ್ಷಿತ ಸಂಚಾರ ಸಾಧ್ಯ.
Disclaimer: ಈ ಲೇಖನವು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋ ಮತ್ತು ಲಭ್ಯ ಮಾಹಿತಿಯ ಆಧಾರದ ಮೇಲೆ ಸಿದ್ಧಪಡಿಸಲಾಗಿದೆ. ಘಟನೆಯ ಸ್ಥಳ, ದಿನಾಂಕ ಅಥವಾ ಸಂಬಂಧಿತ ವ್ಯಕ್ತಿಗಳ ಕುರಿತು ಅಧಿಕೃತ ಮಾಹಿತಿ ಲಭ್ಯವಾದಲ್ಲಿ ವಿವರಗಳು ಬದಲಾಗುವ ಸಾಧ್ಯತೆ ಇದೆ.
